ឈ្មោះរបស់វាគឺ តៅហ៊ូមាសស្អុយ ។ មានលក់នៅហាងតែគុជមួយជិតកែងភ្លើងស្តុបទួលទំពូង គឺនៅក្បែរភោជនីយដ្ឋាន ទន្លេបាសាក់ អតីត ចៅផាយ៉ា ។ ពេលខ្ញុំជិះកាត់ហាងនោះ ឃើញផ្លាកគេសរសេរថា “តៅហ៊ូមាសស្អុយ កាន់តែស្អុយ កាន់តែឆ្ងាញ់ សំបកខាងក្រៅស្រួយ ខាងក្នុងទន់” ។ អេ៎ ! ម្យ៉ាងដែរ ! ជីវិតត្រូវតែស្គាល់ឲ្យបានគ្រប់រសជាតិបែបនេះហើ្យ ស្អុយក៏ស្អុយចុះ ឲ្យតែឆ្ងាញ់ ម្យ៉ាងរូបមន្តក្នុងការធ្វើតៅហ៊ូស្អុយនេះ គឺបានមកពីលោកគ្រូចុងភៅជនជាតិតៃវ៉ាន់សុទ្ធតែម្ដង >>> អ្នកទាំងអស់គ្នាមានដឹងទេ ? រសជាតិរបស់វាឆ្ងាញ់ម្យ៉ាងពីតៅហ៊ូធម្មតារបស់យើង តែអ្វីដែលមិនអាចបំភ្លេចបាននោះគឺ ក្លិនតៅហ៊ូចងចាំមួយជីវិតឯណោះ ! ខ្ញុំញ៉ាំបានតែមួយដុំគត់ ហើ្យពេលញ៉ាំនោះគឺត្រូវបិទច្រមុះទៀតផងទើបអាចលេបចូល . . . ហ៊ឺ ! ពិបាកបរិយាយណាស់ ទាល់តែសាកភ្លក្សខ្លួនឯងហើ្យទើបដឹងច្បាស់ !
16 ចំលើយ មកទល់ពេលនេះ ↓
evannak // ខែ ធ្នូ 16, 2007 ម៉ោង 5:13 ព្រឹក
អីយ៉ាគិតទៅម្យ៉ាងដែរ ស្អុយៗចុះ ឲ្យតាឆ្ងាញ់ ។ ខ្ញុំចង់សាកដែរ ព្រោះឃើញរ៉ាយរ៉ាប់ស្ដាប់ទៅគួរឲ្យចង់ញ៉ាំ ។ ពេលទៅទិញលើកក្រោយប្រាប់ផង ផ្ញើទិញម៉ាប្រអប់ផង ។
[ សុភ័ក្ត្រ ] // ខែ ធ្នូ 16, 2007 ម៉ោង 11:11 ព្រឹក
មែនអី? ចេះតែ មានម៉ង! ខ្ជិលចង់សាកណាស់ មិនសូវចេះផង តៅហ៊ូ មិនថាអាស្អុយ អាក្រអូបអីទេ
សុវណ្ណរចនា // ខែ ធ្នូ 17, 2007 ម៉ោង 3:09 ព្រឹក
បងevannak៖ចេះតែមានហ្មង!ឲ្យខ្ញុំយកទៅផ្ញើបងឯងតាមវិធីណាទៅ?ខ្ញុំថាគួរតែទៅរកទិញដោយខ្លួនឯងទៅព្រោះបុគ្គលិកស្រីៗនៅ ទីនោះស្អាតៗណាស់ណា;)
បងសុភ័ក្រ្ត៖គួរតែទៅសាកម្ដងទៅឲ្យបានស្គាល់រសជាតិនឹងគេណាបង!
samnang // ខែ ធ្នូ 17, 2007 ម៉ោង 6:45 ព្រឹក
បងធ្លាប់តែសាកអាធម្មតា អត់ដែលបានសាកអាស្អុយៗចឹងសោះ….វាស្អុយនមែនអត់ហ្នឹង???
តែមើលទៅដូចមិនស្អុយទេ…. ចាំមើលទៅវិញទៅសាកមើលម្តងឲ្យដឹងថាស្អុយមែនឬអត់។
រដ្ឋា // ខែ ធ្នូ 17, 2007 ម៉ោង 8:24 ល្ងាច
ក្លិនវាមិនចាញ់អាច៏ជ្រូកប៉ុន្មានទេ កោតតែចេះនាំ
គ្នាថាឆ្ងាញ់ទៅកើត។
samnang // ខែ ធ្នូ 17, 2007 ម៉ោង 9:31 ល្ងាច
មែនហ៎!ចឹងប្រហែលជាមិនទៅទេ!!ហេហេហេ!សំណាងចេះប្រាប់មុន កុំអីខកជើង!!
សុវណ្ណរចនា // ខែ ធ្នូ 18, 2007 ម៉ោង 3:08 ព្រឹក
បងរដ្ឋា៖ហា៎!បងធ្លាប់ភ្លក្សវាដែរហ៎?
បងសំណាង៖ឮគេនិយាយមួយរយដងមិនស្មើបានភ្លក្សមួយដងទេណា
samnang // ខែ ធ្នូ 18, 2007 ម៉ោង 5:55 ព្រឹក
ឮថាឆ្លាញ់អីទៅចេះតែចង់ហើយ ដល់ឮថាមិនខុសពីអាចម៍ជ្រូកចឹងមានអ្នកណាទៅចង់ល៎លោកអឺយ!!!
រជ្ជនី // ខែ ធ្នូ 18, 2007 ម៉ោង 10:06 ព្រឹក
ខ្ញុំមិនដែលបានញ៉ាំទេ! ចង់ញ៉ាំដែរហ្នឹងណា! រចនា ង៉ៃក្រោយទិញផ្ញើគ្នាផងណា!
samnang // ខែ ធ្នូ 18, 2007 ម៉ោង 11:21 ព្រឹក
សាកមើលទៅ ម៉េចៗប្រាប់បងផង!!
រដ្ឋា // ខែ ធ្នូ 18, 2007 ម៉ោង 5:34 ល្ងាច
ធ្លាប់សាកម្តងដែរ កាលនោះមិត្តខ្ញុំប្រាប់ថាឆ្ងាញ់តែ
ពុំបានប្រាប់ពីក្លិនរបស់វាទេ។ កាលនោះខ្ញុំចូល
ចិត្តជាងគេគឺបាយឆាត្រីប្រមា តើមាននាក់ណា
ធ្លាប់បានសាកទេ?
សុវណ្ណរចនា // ខែ ធ្នូ 19, 2007 ម៉ោង 3:36 ព្រឹក
សុំទោស ផងចុះព្រោះលែងហ៊ានទៅទៀតហើ្យ!គ្រាន់តែនឹកឃើញក៏ឆ្អែតដែរ!
ចុះបាយឆាត្រីប្រមានោះយ៉ាងម៉េចដែរ? កាន់តែស្អុយកាន់តែឆ្ងាញ់ទៀតទេ?
feelsoolcool // ខែ ធ្នូ 19, 2007 ម៉ោង 4:51 ព្រឹក
i will try one day sis , go with me ?
feelsoolcool // ខែ ធ្នូ 19, 2007 ម៉ោង 4:57 ព្រឹក
បាយឆាត្រីប្រមា?ទៅសាកមើលម្តងឲ្យដឹងថាឆ្ងាញ់ឬស្អុយ
រដ្ឋា // ខែ ធ្នូ 19, 2007 ម៉ោង 5:45 ល្ងាច
ខ្ញុំចូលចិត្តម្ហូបស្អុយរបស់ខ្មែរយើងដូចជា ប្រហុក ផ្អក ត្រីប្រម៉ា ម្ហូបល្អៗទាំងនេះក្លិនរបស់វាអាច ទទួលបាន ទាល់តែធ្វើបានល្អគ្រប់ខួបគ្រប់ខែ របសវា។ បើប្រហុកស្ទើរខែវិញក្លិនមិនចាញ់ម្ហូប
ដែលសុវណ្ណរចនាណែនាំខាងលើនេះទេ។
សុវណ្ណរចនា // ខែ ធ្នូ 22, 2007 ម៉ោង 3:30 ព្រឹក
បងរដ្ឋា៖ពិតមែន!ប្រហុកខ្មែរស្អុយតែយើងអាចទទួលយកបានតែចំពោះតៅហ៊ូនេះវិញគឺរាងចាលតែម្ដង!ខ្មែរត្រូវតែគាំទ្ររបស់ខ្មែរមិនថាទំនៀមទំលាប់ឬមួយទំលាប់ក្នុងការហូបចុកទេ។មិនអញ្ចឹងហ្អេះ?
feelsocool៖ សូមទោសអត់ទំនេរទេបង! ម្យ៉ាងអត់ចង់ភ្លក្សវាទៀតទេ