រយៈពេលជាងមួយខែហើយដែលខ្ញុំបានដើរចោលផ្ទះ ! មើលចុះ ធូលីច្រើនដល់ហើយ ! គ្រឿងសង្ហារិមទាំងឡាយបាត់បង់អស់ភាពប្រណិត ហើយពីងពាងក៏តាំងខ្លួនជាម្ចាស់ផ្ទះទៀត ! ហ៊ឺ ! បើដូចនេះ ផ្ទះមួយខ្នងនេះនៅតែជាកម្មសិទ្ធិរបស់ខ្ញុំទៀតទេហ្ន៎ ? អុញ ! ដានជើងអ្នកណាខ្លះហ្នឹង ? បើតាមសង្កេតលើដានជើងនីមួយៗ គឺបង្ហាញឲ្យឃើញថា មានមនុស្សប្រមាណជា 4 ទៅ 5 នាក់ ដែលបានចូលមកក្នុងផ្ទះ ។ តើពួកគេជាអ្នកណាខ្លះហ្នឹង ? ពេលខ្ញុំមិននៅផ្ទះ តើមានរឿងអ្វីកើតឡើង ? តើចូលមកនេះក្នុងបំណងអ្វីឲ្យពិតប្រាកដ ? តែបើមើលឲ្យបានដិតដល់លើដានជើងទាំងនោះ គឺគ្មានអ្វីចម្លែកនោះទេ គឺដើរតាមដំណើរថ្មើរជើងធម្មតា មិនប្រញាប់ប្រញាល់ មិនលិបល អូ ! ដានជើងបងៗនិងមិត្តភ័ក្ដិ របស់ខ្ញុំទេតើ ! ខំតែភ័យ !
អវត្ដមានពីផ្ទះនេះ គឺមូលហេតុទាក់ទងនឹងការប្រលង ដូចនេះពិតជាគ្មានពេលវេលាចំណាយជាមួយនឹង WordPress ទៀតទេ ជាពិសេសគឺការ Update ប្លក់នេះតែម្ដង ! សង្ឃឹមថាអ្នកទាំងអស់គ្នាមិនប្រកាន់ខឹងចំពោះការបាត់មុខពីពិភពប្លក់របស់ខ្ញុំនោះទេ ហើយក៏សង្ឃឹមដែរថា បងៗនឹងនៅតែចាំមុខប្អូនស្រីម្នាក់នេះ ដូចដែលប្អូននៅតែចាំបងៗដូចគ្នា !
ថ្មីៗនេះមានរឿងអ្វីកើតឡើងក្នុងសហគមន៍ប្លក់របស់យើងខ្លះទៅ ? ដឹងត្រឹមតែមានសមាជិក WordPress ខ្លះបានប្ដូរអាសយដ្ឋាន ហើយក្រៅពីនោះ គឺងងឹតស្លុបដូចដាច់ចរន្តអគ្គិសនីនាពេលរាត្រីអ៊ីចឹង ! សូមមេត្តារ៉ាយរ៉ាប់ប្រាប់ខ្ញុំផង !
និយាយពីផ្ទះមួយនេះវិញ ខ្ញុំមិនដែលមានគំនិតចង់បោះបង់វានោះទេ ព្រោះវាជារបស់តែម្យ៉ាងគត់ដែលនាំឲ្យខ្ញុំបានស្គាល់បងៗនិងមិត្តៗទាំងអស់គ្នា ។ រយៈកាលកន្លងមកនេះ សូមអរគុណរាល់សន្ដានចិត្តស្រលាញ់រាប់អានខ្ញុំដូចបងប្អូនសាច់ឆ្ងាយម្ដាយទីទៃអ៊ីចឹងដែរ ! និយាយលេងទេ តែជាការពិត !
ឆ្លៀតឱកាសនេះដែរ ( ព្រោះពុំមានឱកាសឲ្យឆ្លៀតទៀត ) សូមជូនពរអ្នករាល់គ្នាឲ្យជួបប្រទះតែសេចក្ដីសុខ ចម្រុងចម្រើន ជាពិសេសនាឱកាសបុណ្យចូលឆ្នាំចិននេះតែម្ដង !
祝你们 新年快乐 ！恭喜发财 ！红包大大来 ！心想事成 ！和 万事如意 !
ម្ចាស់ប្លក់ ៖ សុវណ្ណរចនា
ផ្ទះខ្ញុំធូលីច្រើនដល់ហើយ !
ខែ មករា 30, 2008 · 30 វិចារ
ចំណាត់ក្រុម ៖ Uncategorized
30 ចំលើយ មកទល់ពេលនេះ ↓
ទឹម បឿន // ខែ មករា 30, 2008 ម៉ោង 6:38 ព្រឹក
ចេះចិនទៀត។ អរគុណហើយប្អូន។ កំពុងតែនឹកស្រាប់ មិនដឹងថាបាត់មុខទៅណា។ ជូនពរឱ្យសម្រេចការប្រឡងដោយជោគជ័យណា។ បើមានពេល ឈៀងមកលេងខ្លះៗផង។
សុខសប្បាយប្អូន!
អាចម៍ផ្កាយ // ខែ មករា 30, 2008 ម៉ោង 8:36 ព្រឹក
ឱ!គ្រាន់តែចូលមកដល់ភ្លាមឈ្លក់ស្ទើរស្លាប់!!!
ល្មមបោសសម្អាតចេញទៅ,តែខំអត់ភ្ញៀវចូលទេ!!!
ខឿន // ខែ មករា 30, 2008 ម៉ោង 10:06 ព្រឹក
ប្រលងចប់ហើយនៅប្អូនស្រី?
រជ្ជនី // ខែ មករា 30, 2008 ម៉ោង 10:45 ព្រឹក
រចនារៀនថ្នាក់ទី១មែនទេ(ចិន)? កុំដើរចោលផ្ទះយូរពេកណា! ព្រោះមិត្តម៉ាក្បាលនេះវាអផ្សុកសឹងស្លាប់ដោយសារតែឯងមិនរីផ្លាយខំម៉ិន!
Rachna_Rainna // ខែ មករា 30, 2008 ម៉ោង 11:48 ព្រឹក
ដឹងខ្លួនល្អហើយ! ចូលមកញឹកៗបន្តិចទៅ, ប្រយ័ត្នតែរកមុខម្ចាស់មិនឃើញ ដុតផ្ទះចោលហ្មង!
រជ្ជនី // ខែ មករា 30, 2008 ម៉ោង 11:53 ព្រឹក
បងឯងអី ក៏សាហាវម៉េះ?
Vannara // ខែ មករា 30, 2008 ម៉ោង 1:19 ល្ងាច
ក្មេងអាឡូវចូលចិត្តនិយាយ go around ណាស់ន៎ អត់ speak to the point សោះ
អានកថាខ័ណ្ឌដំបូងស្មានតែនិយាយពីផ្ទះមែនទែន ដឹងអីរឿងប្លក់សោះ។ អត់នៅមើលថែផ្ទះចឹងប្រយ័ត្នចោរចូលលួច posts អស់ 
naraths // ខែ មករា 31, 2008 ម៉ោង 4:03 ព្រឹក
ដើរចោលផ្ទះរាប់ខែ! ចំមែនតាម៉ងហើយ… ហ៎ រជ្ជនីយើងចាំអង្កាលជម្រិតទារថ្លៃការពារ យើង… ព្រោះខំយាមផ្ទះឲ្យយូរហើយ!
សុវណ្ណរចនា // ខែ មករា 31, 2008 ម៉ោង 5:19 ព្រឹក
បងបឿន៖ សាធុ !ឲ្យពិតដូចសំដីបងទៅចុះ ! ហើយក៏អរគុណដែរដែលបានរលឹកនឹកដល់ប្អូនស្រីម្នាក់នេះ !
បងអាចម៏ផ្កាយ៖ បោសស្អាតហើយតើ ! ម៉េចក៏នៅតែឈ្លក់ទៀតអ៊ីចឹង ?
បងខឿន៖ ចាស៎ ! នៅមិនទាន់ទេ ។ ការប្រលងនឹងចាប់ផ្ដើមនៅដំណាច់ខែកុម្ភៈនេះឯង !
រជ្ជនី៖ បើចិនថ្នាក់ទីមួយមែនណា ប្រហែលជាមិនបានសរសេរបានប៉ុននេះនោះទេ ! ប្រាប់ឯងទៅចុះ គឺថ្នាក់ទី ពីរ !
រ៉េនណា៖ ចាហាវម៉្លេះ អាម៉ាក ?!
បងវណ្ណារ៉ា៖ បងជាមនុស្សទីពីរហើយដែលយល់ច្រលំលើកថាខ័ណ្ឌដំបូងរបស់ខ្ញុំ ! តែអារឿងចោរលួចចូលក្នុងផ្ទះខ្ញុំនោះ គឺមិនភ័យឡើយ ព្រោះបានបង់ថ្លៃការពាររួចរាល់ហើយ ! ម្យ៉ាងមានបងណារដ្ឋ និង រជ្ជនី ជួយការពារដែរតើ !
បងណារដ្ឋ៖ ប្រាប់មក ចង់បានប៉ុន្មាន ? ខ្ញុំគិតថាទូទាត់គ្នារួចជាមួយ ប៊ីចេងដែលបងមកខ្ចីខ្ញុំទៅល្អទេ ?
រជ្ជនី // ខែ មករា 31, 2008 ម៉ោង 5:21 ព្រឹក
ហើយឯណាតាបងដែលឲ្យកាន់ម៉ោមិញទៅណាបាត់ហើយ? យកម៉ោគំរាមក្រែងចង់ប្រែក្រឡាស់អីហ្នឹងណា! ហើយបងណារដ្ឋឯង! តាបងប៉ាប៉ុនហ្ឹងកាន់មិនជាប់! ទៅធ្វើស្អីកើត?
សុវណ្ណរចនា // ខែ មករា 31, 2008 ម៉ោង 5:23 ព្រឹក
អុញ ! ម៉េចចាំបាច់ប្រើហិង្សាហាស់ អាម៉ាក !
រជ្ជនី // ខែ មករា 31, 2008 ម៉ោង 5:32 ព្រឹក
ម៉ោទារតាំងពីម៉ានង៉ៃមិនអត់ទាន់ឲ្យទើបហៅគ្នាម៉ោហ្ឹងណា!
សុវណ្ណរចនា // ខែ មករា 31, 2008 ម៉ោង 5:35 ព្រឹក
មុខលុយ !
រជ្ជនី // ខែ មករា 31, 2008 ម៉ោង 5:39 ព្រឹក
គេហៅថាមុខខ្លាញ់!
សុវណ្ណរចនា // ខែ មករា 31, 2008 ម៉ោង 5:44 ព្រឹក
អ៊ីចឹងពេលបំពងត្រី ប្រាប់ម៉ាក់ទៅថាមិនបាច់ទិញខ្លាញ់ទេ ព្រោះកូនស្រីម៉ាក់ មុខខ្លាញ់សំបើមណាស់ !
samnang // ខែ មករា 31, 2008 ម៉ោង 6:03 ព្រឹក
អាឡូប្អូនស្រី បងសុំទោសដែលចូលមកcomment យឺតតិ ព្រឺកម៉ិញរវល់ទៅសាលា រងារស្ទើរតែស្ពឹកអីៗអស់ហើយ។ មុនទៅណាទៅណីមើលផ្តាំផ្ញើរឲ្យមិត្តភ័ក្តមើលផ្ទះឲ្យទៅបើមិនចឹងទេមានអ្នកមករកច្បាស់ជាខកបំណងមិនខាន(ឧទាហរណ៍ អ្នកមកខ្ចីប៊ីចេងជាដើម…កិកិកិ)។ គ្រាន់តែចូលមកអើតរកមើលម្ចាស់ផ្ទះសោះ ម្ចាស់គេមកវិញឃើញដានជើង វិសជាប់ចោទជាចោរលួចចូលផ្ទះ។
ramana // ខែ មករា 31, 2008 ម៉ោង 9:31 ព្រឹក
ស្វាគមន៍មកដល់វិញ
ទៅណាមកណាអត់អោយដំណឹងសោះ មកម្តងណានៅតាដែលអត់ឃើញ អាប់ដេត តែមិនទេមកវិញហើយ ។ ហ៊ានតែមកយឺតបងៗច្បាស់ជាភ្លេចមុខមិនខានទេ …….
naraths // ខែ មករា 31, 2008 ម៉ោង 12:01 ល្ងាច
រជ្ជនី និយាយឮៗម៉្លេះ! មិនមែនកាន់មិនជាប់ទេ តែបងជំពាក់ប៊ីចេងគេមិនទាន់សង… ចឹងអត់ហ៊ានមាត់ទេ! នី ឯងអ្នកចរចាទៅ បានម៉ានយកប៉ុណ្ណឹងចុះ.. ចាំស្អែកដើរទារទៀត ណា៎
សុវណ្ណរចនា // ខែ កុម្ភៈ 1, 2008 ម៉ោង 11:06 ព្រឹក
បងសំណាង៖ អ្នកណាទៅហ៊ានចោទបងប្រុសខ្លួនឯងថាជាចោរនោះ ?
បងramana៖ គួរតែនិយាយថា មនុស្សគមន៏ វិញទើបវាត្រូវជាង ណាបង ! បើបងហ៊ានតែភ្លេចមុខប្អូនស្រីម្នាក់នេះ ច្បាស់ជារឿងធំមិនខាន ! យំឡាំប៉ាឲ្យណាណីម្ដង !!!
បងណារដ្ឋ៖ ហ៊ើយ! មុខលុយម៉្លេះបងប្រុសខ្ញុំ !?
naraths // ខែ កុម្ភៈ 2, 2008 ម៉ោង 10:21 ព្រឹក
បើមុខមិនលុយឲ្យមុខអីវិញចុះ… កុំរ៉ាយរ៉ាប់ច្រើនឲ្យតែថ្លៃការពារម៉ោបានហើយ…
ណែ! រជ្ជនី យកលុយអាប់ឲ្យគេលឿនឡើង ទៅទារផ្ទះផ្សេងទៀត… :p
samnang // ខែ កុម្ភៈ 2, 2008 ម៉ោង 12:01 ល្ងាច
យីមកទារលុយថ្លៃការពារ,ប្រយ័ត្នបាត់ខ្លួន!!!
naraths // ខែ កុម្ភៈ 3, 2008 ម៉ោង 3:23 ព្រឹក
បាត់ទៅណា? ចង់បំភ័យហ្អី!!! មុខរបរខ្ញុំត្រឹមត្រូវតើ…
រជ្ជនី // ខែ កុម្ភៈ 4, 2008 ម៉ោង 5:02 ព្រឹក
ឈប់សិនខ្វះលុយហើយបង! មិញទិញទឹកអំពៅផឹកពីរស្បោង! ឃើញអត់ថាកុំឲ្យផឹកៗ នៅតែផឹក! អាឡូវខ្វះលុយអាប់ហើយ!
samnang // ខែ កុម្ភៈ 4, 2008 ម៉ោង 10:15 ព្រឹក
អ្នកណាចោលស្បោងទឹកអំពៅផ្តេសផ្តាសចឹង ខូចបរិស្ថានអស់។
រជ្ជនី // ខែ កុម្ភៈ 5, 2008 ម៉ោង 9:16 ព្រឹក
បងណារដ្ឋនឹងណា! អាល័យតែរកតាបងហ្នឹងណា! ទើបគ្រវាត់ថង់ទឹកអំពៅចោល!
samnang // ខែ កុម្ភៈ 5, 2008 ម៉ោង 12:47 ល្ងាច
សៅ ណារដ្ឋ ហ្នឹងមែនទេ? ដូចយ៉ាប់ម៉ងហ្នឹងណា,ទាំងមហាភ្លេច(កិកិកិ)ទាំងបង្ករឲ្យខូចបរិស្ថាន….
naraths // ខែ កុម្ភៈ 6, 2008 ម៉ោង 9:14 ព្រឹក
ស៊ីចេះម៉េះ! ម៉ិញចោលខ្លួនឯងសោះហ្នឹង រួចមកកាឆក់ថង់ទឹកអំពៅបងទៀត… ដល់សំណាងម៉ោសួរ ម៉ោចោទគេអីណា៎!!
ទៅបាច់អាប់ទេ! ជំពាក់រចនា២០០៛សិនទៅចាំមានរាយប្រើរជ្ជនីយកមកឲ្យ…
រដ្ឋា // ខែ កុម្ភៈ 8, 2008 ម៉ោង 5:02 ព្រឹក
ជុមអាក់ក្សចិងហ្នឹងយាយតាមិចខ្លាស់អាមួយហា?
កូនខ្មែរ // ខែ មេសា 30, 2008 ម៉ោង 7:59 ព្រឹក
ធ្វើផ្ទះធំពេក បានជាខ្ជិលបោសធូលីចេញ។ ខ្ជិលណាស់ ធ្វើខ្ទមមួយទៅមានសេចក្ដីសុខជាង មិនចាំបាច់ទៅបោសនាំតែខាតពេលវេលាទេ!
រដ្ឋ // ខែ មករា 12, 2009 ម៉ោង 4:54 ព្រឹក
គ្រាន់តែដើរកាត់ទេ!
មើលចុះអត់ម្ចាស់នៅ!
ស៊ុបទ្រុប!